Dr. Renee Lalrinzuali, MNF General Secretary kaihhruai inkhawm ah hian Oil man an tihsan avang leh kawngchhia hlamchhiah rei avangin thil engkim a to chho mawlh mawlh a, mipui nitin mamawh dap kawngah mi tamtak kan tangkhang chho mek a, kan harsatna tawh mek hi, thil namai lo tak a ni. Buhfai man, card var hmang tana tihto a nih dawn avangin chhungkaw sing chuangin kan lakna thin pangngai aiin a leta toin kan la tawh dawn a. Kan buhfai lak quality lahin chhiat lam a pan zel a, heti taka mipui min rawk lai hian, an duhsak zawng buhfai an supply tir avangin, a chhang hniam zawk an hnawl avanga sum hloh chu nuai za tam a ni dawn thung lawi si a ni, Zodinpuia chuan a ti.

Zodinpuia chuan, ZPM in thlai thar leina tura mipui society dinna tura a dintute senso chu nuai 45 a tling chho hial a, lei sak an nih dan tur an puanzar erawhin kut thathawktute beng a tithlep nasa hle a ni, a ti bawk.

Kuthnathawktute 7th pay pek an intiam chu a tak thleng lovin, crop insuarance an sawihmuh pawh tun hi a taka sawhtling tam nei chhungkaw 2000 chuang hnena thlen tir hun a ni. Tar chawmna cheng 1000/- a tihpun pawh a tak ala thleng lova,  mipui rilru hnehna tura an inzawrhna zawng zawngte kha a thlentir thuai turin Mizoram sawrkar hi ka ngen a ni, MNF General Secretary chuan a ti.

Sawhthing rate hi kum hmasa lamah ₹. 120 kai changte a awm a. Kuminah hian ₹. 70 aia a hniam a nih ngat chuan kan sawrkar hmalakna rah a ni ngei ngei dawn a ni, tiin, CBI hnena General Consent pe anga mipui an bumna tichiangtu chu tuna kan dinhmun hi sawrkar hmasa hun ang tho niin, CBI te zalenna pek kawngah hmasawnna engmah a awmlo, a ti bawk.

MNF General Secretary Zodinpuia chuan, tun sawrkar tluka Sawrkar hnathawk rumṭhaih leh vau an tawhna nasat hi ala awm ngai lova, kan CM berin an Association hrang hrangte chu Sawrkar ep zawnga chet tum angin a puangzar a. Engineer te phei chu Contractor nen inthuruala nasa taka sum eiru ṭhinah a puh hial a. Hetiang taka kan ram tana hah taka thawktu Sawrkar hnathawkte tihduhdah an ni hi a pawi ka ti takzet a ni, a ti bawk.

"1947 atanga India sawrkar hnuaia kan kun kum 77 chhungin mahni kea din duhna thinlung kan hlat tial tial a, thangtharah phei chuan a reh telh telh a, dingchhuak tura an nunna leh thisen tam tak hlana inpe Mizo Hnam sipaite an ral zel a, hun reilote ah min liamsan hun ala awm dawn a. Kan hnam tana an chituh vawn nun leh chhem alh zel hi kan hnam dinchhuah nana kan mamawh lian ber te zing ami a ni, MNF chu Hnam Party, Mizo Nationalism nena in hne tlat, chawl lova hnam dah pawimawh hmasaa kal thin a nih angin hmasawn zel turin ke a pen zel a ni," a ti bawk.